ASNN – Mançester Junajtid ka fituar 1-0 me Zorian e Luhanskut të Ukrainës, në ndeshjen e dytë në grupin e saj në Ligën e Evropës. Për skuadrën e Zhoze Murinjos, këto tri pikë janë të vlefshme për renditjen. Por loja e futbollistëve të skuadrës angleze la shumë për të dëshiruar. Interi vazhdon të pësojë humbje në këtë veorimtari, kur është mundur nga Sparta e Pragës 3-1. Ndërsa fitojnë Roma dhe Fiorentina.
Kështu, Liga e Evropës është përcjellë për teleshikuesit nga Televizioni Shqiptar me emocionet e ndeshjes Mançester Junajtid-Zoria, e luajtur të enjten në mbrëmje. Ka mjaftuar një gol i realizuar nga Zllatan Ibrahimoviç për t’i dhënë 3 pikët skuadrës së Zhoze Murinjos. Pas humbjes së parë me Fejënordin në Ligën e Evropës, të gjithë prisnin një ndeshje më të mirë në “Olld Traford”, përballë ekipit modest të Zorias.
Por ukrainasit nuk lejuan aspak që skuadra e “Djajve të kuq” të tregonte epërsinë e vet. Përveç Ibrahimoviçit, të gjithë lojtarët e tjerë të Mançester Junajtid duket sikur luajnë pa dëshirë, duke i mbyllur 45 minutat e para 0-0. Edhe në të dytën nuk ka ndryshim përsa I përket grintës së skuadrës angleze. Duhej të vinte minuta e 69-të që Ibrahimoviçi të realizonte me kokë brenda zonës ukrainase.
3 pikë për Mançester Junajtid që, sidoqoftë, nuk bind aspak me lojën e shfaqur në fushë. Nuk kanë munguar surprizat edhe në ndeshjet e tjera. Interi pëson një tjeër humbje. Këtë radhë është mundur 3-1 nga Sparta e Pragës. Tjetër përfaqësim i dobët i formacionit të trajnerit holandez, Frank De Bur. Fiorentina ka fituar bindshëm 5-1 me Karabakun e Ansi Agollit,
Në takimet e tjera, Steauaja e Bukureshtit ka barazuar 1-1 me Vijarealin. Po ashtu edhe Roma ka fituar 4-0 me Astran. Për skuadrat ku luajnë shqiptarët, Viktoria Plzenjit e Ergys Kaçes, ka barazuar 0-0 me Austrinë e Vjenës,FC Zyrihu ka fituar ka fituar 2-1 me turqit e Osmanllësporit. Te skuadra e FC Zyrihut nuk ka luajur Sadiku I dëmtuar por nuk ka munguar Burim Kukeli.
