ASNN – Piloti holandez i “Red Bull”-it shikon “MekLaren”-in si sfidanten më të fortë. Kampioni i trefishtë i botës në këto 3 sezonet e fundit në Formula 1, Maks Verstapen mendon se skuadra angleze ka potencialin të bëjë një nisje mjaft të mirë të 2024-ës. Ai e ka veçuar “MekLaren”-in si skuadrën të cilën ai do ta mbajë në qendër të vëmendjes në prag të sezonit të ri të Formulës 1, duke deklaruar se ecuria e tyre përgjatë 2023-shit ishte nga më mbresëlënëset nga të gjitha rivalet e “Red Bull”-it.
Maks Verstapeni ka veçuar “MekLaren”-in si skuadrën të cilën ai do ta mbajë në qendër të vëmendjes në prag të sezonit të ri të Formulës 1, duke deklaruar se ecuria e tyre përgjatë 2023-shit ishte nga më mbresëlënëset nga të gjitha rivalet e “Red Bull”-it. “MekLaren”-i nuk arriti të merrte asnjë pikë pas dy garave të para sezonin e shkuar, por një ristrukturimi teknik dhe një paketë e madhe përmirësimi në mesin e sezonit, e çoi Lando Norrisin dhe Oskar Piastrin drejt betejave për podiumin dhe shumë pranë një fitoreje që sidoqoftë nuk u materializua.
Por duke parë përqindjen e ecurisë dhe konkurrencës së skuadrës me bazë në Uoking, kampioni i trefishtë i botës në këto 3 sezonet e fundit mendon se “MekLaren”-i ka potencialin të bëjë një nisje mjaft të mirë të 2024-ës. “Ne ishim e vetmja skuadër që ishte me të vërtetë të qëndrueshëm në paraqitjen tonë, – ka deklaruar Verstapeni, duke vijuar: “Pas nesh pati shumë luhatje, teksa një herë na afrohej një skuadër e herë një tjetër dhe këtu ishte e gjithë beteja që zhvillohej pas nesh.”
“Por gjithçka do të varet sesa do të përmirësohen skuadrat gjatë periudhës dimërore, – ka vijuar ai. – Ajo që unë mendoj se ishte më mbresëlënëse pas nesh, nga mënyra sesi e nisi dhe sesi e mbylli, ishte padyshim “MekLaren”-i dhe unë pres që ajo skuadër të jetë mjaft e fortë në sezonin e ri”, – ka përfunduar piloti holandez i “Red Bull”-it, Maks Verstapen.
