ASNN – Domosdova zhgënjen sërish në Fushën Sportive “Nexhip Trungu” të Cërrikut, pasi u mund me rezultatin 1-3 nga Luzi 2008. Prrenjsakët vazhdojnë të zhgënjejnë me rezultate negative dhe duke mos grumbulluar asnjë pikë deri tani. Pjesa e parë ka nisur keq për vendësit, të cilët kanë pësuar gol, ndërsa në minutën e 16-të, ka shënuar për miqtë J. Dos Santos.

Vazhdimi i lojës ka qenë i vakët, ndërsa vendësit kanë gabuar në finalizim, edhe pse e kanë kërkuar golin e barazimit. Në pjesën e dytë ishte Karriqi që në minutën e 57-të barazon shifrat 1-1. Miqtë marrin kontrollin e lojës dhe godasin disa herë shtyllën. Një “lum” aksionesh vazhduan deri në fundin e ndeshjes dhe në minutën e 85-të, Dos Santos shënon golin e dytë për miqtë.

Ky gol është pasuar nga ai i Zakovës në minutën e 90-të dhe në përfundim 3-1 për miqtë. Trajneri Lulzim Rira është shumë i zhgënjyer nga loja që ka zhvilluar ekipi i tij, por shpreson se tani që do të zhvillohen ndeshjet në Prrenjas skuadra e tij do të ketë më shumë mundësi fitoreje. Kurse trajneri Lusha është shprehur shumë i kënaqur me lojën dhe fitoren që i ka dhuruar ekipi i tij.

Domosdova – Luzi 2008                                          1-3

Shënues: Karriqi 57′ / J. Dos Santos 16′, 85′, Zakova 90′

Domosdova: Sina, Rira, A.Mema, Bego, Bozha, Vreto (Alliu 58’), Karriqi, Toçka, D. Mema (Jaçe 70’), Çaushi (Shukle 55’), Beqo. Trajner: L. Rira.

Luzi 2008: Haxhi, Shtëmbi (Da Kosta 56’), Kapo, Hatia, Goxhaj, Zakova, Asllanaj, Bratja, J. Dos Santos, E. Dos Santos, Nildo. Trajner: L. Lusha.

Gjyqtarë: L. Haxhiu, E. Morina, E. Zeqaj (Tiranë).

Kartonë të verdhë: Rira / Zakova, Bratja.

Karton i kuq: Jaçe

Kategoria e Dytë

Grupi A

Java e katërt

(26-27 tetor 2014)

Partizani B – Erzeni            3-0

Skrapari – Shënkolli            0-0

Teuta B – Sukthi                  0-1

Korabi – Tirana B                 4-2

Vora – Albpetroli                  3-0

Domosdova – Luzi 2008     1-3

Olimpiku                                pushim

Renditja

Nr.       Skuadra         N.        F.         B.        H.        Gsh-Gp          Pikë

1. Korabi 4          4          0          0          9-3                  12
2. Partizani B 3          3          0          0          6-0                  9
3. Erzeni 4          3          0          1          8-5                  9
4. Shënkolli 4          2          1          1          8-2                  7
5. Luzi 2008 4          2          1          1          7-4                  7
6. Sukthi 3          2          0          1          3-2                  6
7. Vora 3          1          1          1          3-1                  4
8. Albpetroli 4          1          1          2          2-5                  3
9. Teuta B 4          0          2          2          0-2                  2
10. Olimpik 3          0          2          1          3-6                  2
11. Tirana B 3          0          1          2          5-9                  1
12. Skrapari 3          0          1          2          0-5                  1
13. Domosdova 4          0          0          4          3-13                0