ASNN – Janë luajtur dje 3 nga ndeshjet e javës së 13-të të nivelit të dytë të Kampionatit Kombëtar të Volejbollit, që njihet si Grupi A2 dhe Lushnja vazhdon të jetë e pathyeshme, duke korrur fitoren e 13-të radhazi, pasi ka mposhtur në Peshkopin Korabin me rezultatin 1-3.

Përtej humbjes, dibranet, të cilat kanë siguruar vendin e dytë edhe matematikisht, mund të krenohen me faktin se janë bërë dje e vetmja skuadër që ka arritur t’u marrë një set myzeqareve, të cilat deri në këtë sfidë kishin një bilanc të papërlyer. Në vendin e 3-të është konsoliduar Dinamo, e cila i ka bërë sezonit një mbyllje me fitore në fushën e vet.

Blutë e trajnerit Genc Nexhipi kanë mposhtur në shtëpi Divjakën, me shifrat 3-1, ndërsa në takimin tjetër të vlefshëm për javën e 13-të, të luajtur dje, Studenti ka triumfuar në lotarinë e 5 seteve ndaj Minatorit. Takimi i fundit i javës, Vlora Volej-Apolonia, do të luhet ditën e mërkurë.

Kampionati Kombëtar

i Volejbollit – Femra

Grupi A2

Java e 13-të

(2 prill 2016)

Të shtunën:

Korabi – Lushnja                 1-3

Dinamo – Divjaka                3-1

Studenti – Minatori              3-2

Të mërkurën:

Vlora Volej – Apolonia

Renditja

Nr.       Skuadra         N.        F.         H.        Setet               Pikë

1. Lushnja         13        13          0        39-1                39
2. Korabi                        13        10          3        33-12              31
3. Dinamo          13          7          6        23-23              21
4. Apolonia        12          5          7        17-23              15
5. Minatori          13          5          8        21-28              15
6. Divjaka           13          4          9        18-29              14
7. Vlora Volej     12          4          8        17-32              10
8. Studenti         13          3        10        13-34                9