ASNN – Të shtunën janë luajtur të gjitha ndeshjet e javës së 9-të të Kampionatit Kombëtar të Volejbollit për Femra dhe 3 skuadrat e kreut kanë marrë fitoret e radhës, që ruajnë “status-quo”-në e grupit të ekipeve që synojnë vendin në “play-off”-in final të titullit.

Barleti Volej ka bërë detyrën në Vlorë ndaj Flamurtarit vendas, duke fituar në 3 sete dhe duke ruajtur vendin e parë të renditjes, me 27 pikë. Kampionet në fuqi nuk e njohin humbjen në këto 9 javë kampionat dhe kanë 4 pikë më tepër sesa ndjekësja më e afërt, Tirana, që fitoi 3-1 në Durrës ndaj Teutës.

Durrsakët mbeten në vendin e katërt, me 13 pikë, edhe falë fitores 3-0 që Partizani i vendit të tretë arriti në kryeqytet ndaj Skënderbeut. Korçaret janë ende në luftë për vendin e 4-t dhe të fundit që të çon në “play-off”-in final të titullit, pasi kanë një pikë më pak sesa Teuta. Në takimin tjetër të javës, Vllaznia fitoi në 3 sete në kryeqytet ndaj Studentit.

Kampionati Kombëtar

i Volejbollit – Femra

Java e 9-të

(21 shkurt 2015)

Të shtunën:

Studenti – Vllaznia              0-3

Partizani – Skënderbeu      3-0

Flamurtari – Barleti Volej    0-3

Teuta – Tirana                      1-3

Renditja

Nr.       Skuadra         N.        F.         H.        Setet               Pikë

1. Barleti Volej 9          9          0          27-2                27
2. Tirana 9          8          1          25-6                23
3. Partizani 9          7          2          23-7                22
4. Teuta 9          4          5          14-15              13
5. Skënderbeu 9          4          5          13-17              12
6. Vllaznia 9          3          6          11-19              9
7. Flamurtari 9          1          8          3-26              2
8. Studenti 9          0          9          2-27              1