ASNN – Janë luajtur dje të 4 takimet e javës së 8-të të nivelit më të lartë të Kampionatit Kombëtar të Volejbollit për Femra, që njihet ndryshe si Grupi A1 dhe Partizani ka korrur një fitore të dyfishtë në volejboll, duke e mbyllur gjithçka në 3 sete. Për meshkuj, Skënderbeu për meshkuj kishte ardhur i mundur ende pa hyrë në fushën e lojës, kurse Elbasani për femra, përtej përpjekjeve, s’ia del të bëjë ballë.
Kështu, vajzave të kuqe, edhe pa trajnerin Roland Tarja në stol, u janë dashur diçka më shumë, më saktë një orë e 5 minuta, që të mundin Elbasanin, i cili përtej ndonjë përpjekjeje nuk ia dalë t’i bëjë ballë të kuqeve. Përforcuar dhe me të huajt, të paktën në ndeshje që në letër diheshin se si do të përfundonin, Partizani ka treguar se do të jetë një “kockë e fortë” edhe për femra.
Të kuqet mbeten në vendin e dytë, me 19 pikë, 4 më pak se Barleti Volej kryesues, që gjithashtu ka mbaruar punë në 3 sete në Lushnjë përballë skuadrës vendase. Po në 3 sete, Vllaznia ka fituar në Shkodër ndaj Skënderbeut, ndërsa në takimin e fundit të javës së 8-të, Teuta ka fituar 3-1 në kryeqytet ndaj Tiranës, duke konsoliduar vendin e 3-të të renditjes, me 18 pikë, një më pak sesa Partizani.
Kampionati Kombëtar
i Volejbollit – Femra
Grupi A1
Java e 8-të
(11 shkurt 2017)
Vllaznia – Skënderbeu 3-0
Lushnja – Barleti Volej 0-3
Partizani – Elbasani 3-0
Tirana – Teuta 1-3
Renditja
Nr. Skuadra N. F. H. Setet Pikë
- Barleti Volej 8 8 0 24-3 23
- Partizani 8 6 2 20-9 19
- Teuta 8 6 2 21-9 18
- Tirana 8 4 4 16-13 13
- Vllaznia 8 5 3 16-14 13
- Lushnja 8 2 6 9-20 5
- Skënderbeu 8 1 7 7-22 5
- Elbasani 8 0 8 1-24 0
