ASNN – Niveli më i lartë i Kampionatit Kombëtar të Volejbollit për Femra, që njihet si Grupi A1, ka luajtur të shtunën të gjitha ndeshjet e javës së tij të 13-të dhe duhet theksuar se këto javë të fundit të sezonit të fundit po luhen për procedurë, sepse tashmë janë konfirmuar 4 skuadrat që do të vazhdojnë më tej në “play-off”-in final për titullin “kampion”.

Barleti Voleji ka mundur 3-0 Studentin dhe vazhdon të kryesojë, në kuotën e 39 pikëve, 4 më tepër sesa Tirana, e cila ka triumfuar 3-1 në derbin me Partizanin, që pavarsisht humbjes, mban vendin e 3-të, me 28 pikë. Tri pikë pas të kuqeve kryeqytetase renditet Teuta, e cila fitoi 3-0 në Shkodër ndaj Vllaznisë vendase dhe mban vendin e 4-t, duke plotësuar edhe grupin e skuadrave që shkojnë në “play-off”.

Kampionati Kombëtar

i Volejbollit – Femra

Grupi A1

Java e 13-të

(21 mars 2015)

Skënderbeu – Flamurtari   3-0

Partizani – Tirana                1-3

Barleti Volej – Studenti       3-0

Vllaznia –Teuta                    0-3

Renditja

Nr.       Skuadra         N.        F.         H.        Setet               Pikë

1. Barleti Volej 13        13        0        39-2                39
2. Tirana 13        12        1        37-7                35
3. Partizani 13        9        4        30-13              28
4. Teuta 13        8        5        26-15              25
5. Skënderbeu 13        5        8        16-26              15
6. Vllaznia 13        3        10        11-31              9
7. Flamurtari 13        2        11        6-36              5
8. Studenti 13        0        13        3-39              1