ASNN – Niveli më i lartë i Kampionatit Kombëtar të Basketbollit për Meshkuj, që njihet si Superliga, ka luajtur dje ndeshjet e javës së 19-të të saj, që është edhe java e parafundit e sezonit të rregullt.

Në takimin e zhvilluar në Sallën Sportive “Fahrie Hoti” në kryeqytet, Ardhmëria Basket e ka befasuar Tiranën në pjesën e parë, teksa është shkëputur deri në 7 pikë diferencë dhe, më pas, bardheblutë mezi kanë rikuperuar, duke fituar 100-69.

Edhe Vllaznia vijon të fitojë javë pas jave, duke shkuar të qetë drejt mbylljes së fazës së dytë. Mbrëmë, basketbollistët kuqeblu, të drejtuar nga dyshja Sarin-Gjeçaj, fituan ndaj Kamza Basket, 84-61.

Teuta kalon pa shumë vështirësi në Vlorë, në një ndeshje që deri diku ka pasur rivalitet.

E kjo vetëm në pjesën e parë, sepse më pas gjithçka ka qenë në favor të Teutës, e cila nuk ka lënë asnjë hapësirë për Flamurtarin në fushën e lojës, duke fituar 41-69.

Kampionati Kombëtar

i Basketbollit – Meshkuj

Superliga

Java e 19-të

(25 mars 2017)

Të shtunën:

Tirana – Ardhmëria Basket                        100-69

Vllaznia – Kamza Basket               84-61

Flamurtari – Teuta                           41-69

Renditja

Nr.       Skuadra                     N.        F.         H.        Psh-Pp                       Pikë

1. Tirana                         19        17          2        1827-1270                 36
2. Vllaznia                     19        14          5        1512-1266                 33
3. Teuta                          19        13          6        1427-1309                 31
4. Kamza Basket          19          8        11        1404-1511                 27
5. Ardhmëria Basket    19          6        13        1313-1292                 25
6. Flamurtari                  19          0        19          930-1766                 19