ASNN – Vllaznia, kampione në fuqi në Kampionatin Kombëtar të Futbollit për Femra, vazhdon të kryesojë e vetme me 21 pikë të plota. Madje duke shënuar plot 65 gola, vetëm dhjetë dje Skënderbeut, e duke pësuar vetëm një gol.

Një fitore e thellë ka ardhur dje në javën e 7-të të kampionatit në Korçë ndaj debutueseve të Skënderbeut, që e kishin të pamundur të përballonin kampionen në fuqi.

10-0 kanë fituar dje shkodranet në aneksin e stadiumit “Skënderbeu” në një ndeshje që duhet thënë se e kanë dominuar krejtësisht. Skënderbeu është munduar të reagojë, por e ka pasur të vështirë.

Goli i parë është shënuar nga Franja në minutën e 10-të dhe në të 39-ën, Baro ka dyfishuar. E njëjta lojtare ka shënuar edhe në të 43-ën minutë, ashtu sikurse Doçi në të 45-ën dhe pjesa e parë është mbyllur 4-0 në favor të mikeshave.

Më pas në të dytën ka shënuar Bajrakurti, Proto, Baro, Gruda dhe Lipa e përfundimisht 10-0. Fitore të thella, tenistike madje, korrën në javën e 7-të edhe Apolonia dhe Tirana AS, që mundën 6-0 përkatësisht Teutën dhe AAS-në.

Takimi më i spikatur ishte ai i kryeqytetit midis Kinostudios dhe Juban Danjës, që u fitua nga vendaset me rezultatin 3-0. Vllaznia mban vendin e parë pas 7 javësh, me pikë të plota 21, tri më tepër sesa Kinostudio, ndërsa Apolonia e vendit të tretë ka 15 pikë.

Skënderbeu – Vllaznia 0-10

Shënues: Franja 10’, Baro 39’, 43’, 60’, Doçi 45’, 73’,

Bajrakurtaj 55’, Proto 58’, Gruda 81’, Lipa 83’

Skënderbeu: A. Popa, Kasa, Demollari (M. Niçku 46’), Zizolli (J. Niçku 65’), Ipeku (Muçollari 46’), Shkëmbi (Kulliri 33’), Zere, Morva, V. Popa, Myrtollari, Qylalli. Trajner: S. Lako

Vllaznia: Durmishi, Bajrakurtaj, Sufaj, Bajraktari (Lipa 55’), Gjini (Muja 55’), Proto, Maliqi (Lazri 46’), Doçi, Gjergji (Baro 33’), Begolli, Franja (Gruda 51’). Trajner: N. Leka

Gjyqtarë: E. Demiraj, A. Mema, G. Kamolli (Pogradec)

Kampioni i 7-të Kombëtar

i Futbollit – Femra

Java e 7-të

(12-13 dhjetor 2015)

Të shtunën:

Apolonia – Teuta                             6-0

AAS – Tirana AS                              0-6

Kinostudio – Juban Danja             3-0

Skënderbeu – Vllaznia                   0-10

Të dielën:

The Door – Dajti

Renditja

Nr.       Skuadra         N.        F.         B.        H.        Gsh-Gp          Pikë

1. Vllaznia 7          7          0          0          65-1                21
2. Kinostudio 7          6          0          1          42-9                18
3. Apolonia 7          5          0          2          26-10              15
4. Tirana AS 7          4          1          2          33-11              13
5. Juban Danja 7 4          1          2          20-10              13
6. Skënderbeu 7          3          0          4          9-21              9
7. The Door 6          2          2          2          12-13              8
8. Teuta 7          1          0          6          7-39              3
9. AAS             7          0          0          7          3-49              0
10. Dajti 6          0          0          6          1-55              0