ASNN – Janë luajtur dje të gjitha ndeshjet e javës së 17-të të Kampionatit Kombëtar të Volejbollit për Meshkuj dhe një fitore e thellë dhe e pastër e bardhebluve të Ilo Kojës ka ndryshuar tërësisht situatën në renditjen e meshkujve duke i zbritur kampionët në fuqi, Studentin, në vendin e tretë. E lëkundur situata në ekipin e Ylli Tomorit pas dëmtimit të Vuldijevit.

Farka Volej ka bërë edhe një hap tjetër drejt “play-off”-it, ndërsa duke shfrytëzuar maksimalisht fitoren me Elbasanin, por dhe pushimin e Teutës, dje ka arritur të shkëputet tre pikë diferencë në renditje prej durrsakëve. Në përgjithësi ka qenë një ndeshje e dominuar nga Farka Volej, ndërsa Elbasani, përtej dëshirës, e kishte të vështirë të bënte diferencën.

Në takimin e fundit të javës, volejbollistët shkodranë duket se po rikthehen në normalitetin e tyre, sepse, pas humbjes në shtëpi me Farka Volej dhe dështimit në fazën finale t e Kupës së Shqipërisë, kuqeblutë e drejtuar nga trajneri Artan Kalaja realizuan dy fitore radhazi, njëra në fushë të huaj dhe tjetra në Pallatin e Sportit “Qazim Dervishi”. Kjo e fundit, e luajtur dje në mesditë, ishte ai triumf 3-0 ndaj Skënderbeut.

Kampionati Kombëtar

i Volejbollit – Meshkuj

Java e 17-të

(23 mars 2016)

Vllaznia – Skënderbeu       3-0

Farka Volej – Elbasani        3-0

Tirana – Studenti                 3-0

Teuta                                      pushim

Renditja

Nr.       Skuadra         N.        F.         H.        Setet               Pikë

1. Vllaznia         15        11          4        37-20              33
2. Tirana             15        10          5        35-17              32
3. Studenti         14        11          3        35-17              31
4. Farka Volej    14          9          5        31-20              26
5. Teuta              14          8          6        30-25              23
6. Skënderbeu  15          2        13          9-40                6
7. Elbasani        15          0        15          7-45                2