ASNN – Lufta për vendin e parë që të çon direkt në Kategorinë Superiore është nxehur mjaft në grupin A të Kategorisë së Parë, pasi në atë që ishte dueli i kreut, Tërbuni është ndalur në një barazim 1-1 në Pukë nga ndjekësja më e afërt, Mamurrasi, ndërsa nga ky rezultat ka përfituar më së mirë një tjetër rivale, Besëlidhja.

Barazimi i fiksuar në Stadiumin “Ismail Xhemali” i ka lënë pukjanët dhe mamurrzakët në pozita të pandryshuara në renditje, përkatësisht në vendin e parë me 43 pikë dhe në atë të dytin, me 42 pikë. Por dy rivalet tashmë ndjejnë nga pranë sfidën e Besëlidhjes, që nuk ka gabuar në shtëpi, duke fituar përballë Ilirisë së Fushë-Krujës.

Triumfi 2-0 i lezhjanëve ndaj fushë-krujasve nënkupton se skuadra vendase, e drejtuar nga trajneri Ridvan Kulli, është ngjitur në kuotën e 41 pikëve dhe është plotësisht në valle për vendin në Kategorinë Superiore sezonin e ardhshëm. Ndërkaq, në vendin e 4-t, por shumë prapa, me 22 pikë, është ngjitur Burreli, që fitoi 3-2 në shtëpi ndaj Kamzës.

Në dy takimet e tjera të grupit, Besa ka marrë një pikë të vyer në Shkodër përballë Adës së Velipojës, duke iu larguar fundit të renditjes, ndërsa po kështu ka bërë edhe Kastrioti, që ka triumfuar 5-3 ndaj Veleçikut të Koplikut, në fushën e Kompleksit “Internacional” në Pezë-Helmës.

Kategoria e Parë

Grupi A

Java e 17-të

Të mërkurën, 4 mars 2015:

Veleçiku Koplik – Kastrioti              3-5

Kompleksi “Internacional”, Pezë-Helmës

Ada Velipojë – Besa                         0-0

Stadiumi “Loro Boriçi”, Shkodër

Besëlidhja – Iliria Fushë-Krujë       2-0

Stadiumi “Besëlidhja”, Lezhë

Burreli – Kamza                                3-2

Fusha Sportive “Liri Ballabani”, Burrel

Tërbuni – Mamurrasi                        1-1

Stadiumi “Ismail Xhemali”, Pukë

Renditja

Nr.       Skuadra                     N.        F.         B.        H.        Gsh-Gp          Pikë

1. Tërbuni 17        13        4          0        31-8                43
2. Mamurrasi 17        13        3          1        32-8                42
3. Besëlidhja 17        13        2          2        35-8                41
4. Burreli 17        7        1          9        20-23              22
5. Iliria Fushë-Krujë 17        4        5          8        12-17              17
6. Besa 17        3        7          7        16-23              16
7. Kastrioti 17        4        4          9        16-24              16
8. Kamza 17        4        4          9        13-27              16
9. Ada Velipojë 17        4        3          10        19-34              15
10. Veleçiku Koplik 17        3        1          13        14-36              7*

* Veleçikut i janë 3 pikë nga renditja me vendimin e Disiplinës së FSHF-së