ASNN – Janë luajtur dje ndeshjet e javës së 17-të të nivelit më të lartë të Kampionatit Kombëtar të Basketbollit për Meshkuj, që njihet si Superliga. Kamza Basket ia ka marrë dorën Tiranës, trajneri Muhametaj ndëshkohet me teknik përjashtimi.

Në prani të “Fanatiksave” të rinj, bardheblutë e Roland Avramit përsëri nuk ia kanë dalë të jenë fitues. 66-56 për kamzalinjtë, ndërsa janë dy humbje radhazi për bardheblutë e kryeqytetit, që duken në krizë.

Ndërkohë, Vllaznia ka bërë detyrën, teksa ka fituar ndaj Partizanit 92-73, duke mbetur në vendin e dytë, me 30 pikë, dy më pak sesa kryesuesja Kamza Basket. Së fundit, ka ardhur një fitore morali për Teutën në Vlorë, me shifrat 72-54.

Durrsakët e kanë siguruar tashmë qëndrimin në Superligë, madje dhe “play-off”-in, kurse vlonjatët do të duhet të luftojnë në “play-out” me vendin e dytë të Kategorisë së Parë, për të mbetur mes më të mirëve të basketbollit shqiptar.

Kampionati Kombëtar

i Basketbollit – Meshkuj

Superliga

Java e 17-të

(9 prill 2016)

Tirana – Kamza Basket       56-66

Vllaznia – Partizani             92-73

Flamurtari – Teuta               54-72

Renditja

Nr.       Skuadra                     N.        F.         H.        Psh-Pp          Pikë

1. Kamza Basket          17        15          2        1229-1007     32
2. Vllaznia                     17        13          4        1214-1053     30
3. Tirana                         17        11          6        1268-1105     28
4. Teuta                          17          8          9        1256-1196     25
5. Flamurtari                  17          3        14        1027-1330     20
6. Partizani                    17          1        16        1032-1235     18