ASNN – Tirana pa probleme në Vlora, Flamurtari nuk reziston në takimin e vlefshëm për javën e 13-të të nivelit më të lartë të Kampionatit Kombëtar të Basketbollit për Meshkuj, ndërsa Vllaznia bën detyrën në Durrës përballë Teutës vendase.

Fitore e lehtë dhe pa shumë mundim e Tiranës në Vlorë përballë një Flamurtari që e ka pasur shumë të vështirë të dalë në lojën e vet ndaj bardhebluve. Tirana hyn fuqishëm në lojë në parketin e vendasve.

Bardheblutë mbyllin thuajse gjithçka sa i përket ndeshjes që në gjysmën e parë të takimit duke u shkëputur me plot 20 pikë. Pas dy pjesëve të para, ndeshja mbyllet 28-48 për Tiranën.

Miqtë luajnë mjaft mirë edhe në pjesën e tretë, ndërsa vetëm 10 minutat e fundit i takojnë Flamurtarit, por pa mundur të bëjë dot asgjë përballë një Tirane pretendente për titull “kampion”.

Flamurtari – Tirana               60-83

(18-20, 10-28, 10-18, 22-17)

Flamurtari: Kaso, Mino, Kollovi, Todi, Sotiri / Toska, Gani, Beko. Trajner: V. Birçe

Tirana: Vaqarri, Vogli, Huqi, Hysa, Sukaj / Caco, Mara, Lasku, Gjyzeli, Hasanaj. Trajner: R. Avrami

Gjyqtarë: G. Cici, E. Koçi (Tiranë), E. Hoxhaj (Vlorë)

Kampionati Kombëtar

i Basketbollit – Meshkuj

Superliga

Java e 13-të

(11-12 mars 2016)

Të premten:

Partizani – Kamza Basket   60-66

Të shtunën:

Flamurtari – Tirana              60-83

Teuta – Vllaznia                   48-64

Renditja

Nr.       Skuadra                     N.        F.         H.        Psh-Pp          Pikë

1. Kamza Basket          13        11          2        956-781        24
2. Tirana                         13        10          3        997-853        23
3. Vllaznia                     13        10          3        917-808        23
4. Teuta                          13          5          8        946-925        18
5. Flamurtari                  13          3        10        825-1036      16
6. Partizani                    13          0        13        752-890        13