ASNN – Java e 31-të e Kategorisë Superiore të Kampionatit Kombëtar të Futbollit, e cila ka nisur të shtunën me fitoren e Laçit në shtëpi ndaj Teutës, ka vijuar sot pasdreke me dy takime të tjera, ndërsa dy ndeshjet e fundit luhen në mbrëmje.

Tirana fitoi 3-1 kundër Elbasanit, ndërsa në barazim 1-1 u ndanë Vllaznia dhe Flamurtari. Tirana ka vuajtur, por në fund arrin të marrë fitoren në ndeshjen kundër Elbasanit, të sjellë për sportdashësit drejtpërdrejt nga Rrjeti i Radio-Televizionit Shqiptar.

Bardheblutë e kryeqytetit fituan me rezultatin 3-1, në takimin e zhvilluar në Stadiumin “Gjorgji Kyçyku” të Pogradecit, duke përmbysur epërsinë e kundërshtarëve që shënuan të parët me Jaupin. Në fundin e pjesë së parë, Hyshmeri barazoi shifrat për kryeqytetasit.

Me rikthimin në fushë, Tirana vulosi fitoren me dy sulmesit e saj, Bushiç dhe Bakaj që mbajnë skuadrën e tyre në garën për titullin “kampion”. Nuk pati fitues në sfidën tjetër mes Vllaznisë dhe Flamurtarit që përfundoi në barazim 1-1. Vlonjatët shënuan të parët me Krujën, por Lika mbylli gjithçka me golin e tij në minutën e 60-të.

Të shtunën, skuadra kurbinase i shtoi një tjetër sukses ecurisë së saj pozitive të sezonit, duke mundur me rezultatin 1-0 Teutën. Ndeshja e parë e kësaj jave u vendos nga goli i Shetës. Mbrojtësi shënoi pas një ore lojë, duke i dhënë një fitore të rëndësishme Laçit, që ngjitet në kuotën e 57 pikëve në tabelën e renditjes.

Kategoria Superiore

Java e 31-të:

Të premten, 17 prill 2015:

Laçi – Teuta                          1-0

Shënues: Sheta 60’

Stadiumi i Laçit

Të shtunën, 18 prill 2015:

Elbasani – Tirana                1-3

Shënues: Jaupi 6’ / Hyshmeri 39’, Bushiç 79’, El. Bakaj 84’

Stadiumi “Gjorgji Kyçyku”, Pogradec

Vllaznia – Flamurtari           1-1

Shënues: Lika 60’/ Kruja 9’

Stadiumi “Loro Boriçi”, Shkodër

Partizani – Kukësi               ora 17:00

Stadiumi Kombëtar “Qemal Stafa”, Tiranë

Skënderbeu – Apolonia     ora 17:00

Stadiumi “Skënderbeu”, Korçë

Renditja

Nr.       Skuadra         N.        F.         B.        H.        Gsh-Gp          Pikë

1. Skënderbeu 30        19        6          5        48-16              63
2. Tirana 31        19        6          6        42-21              63
3. Kukësi 30        19        5          6        47-20              62
4. Partizani 30        18        5          7        33-21              59
5. Laçi 31        16        9          6        37-16              57
6. Flamurtari 31        9        8          14        25-29              34
7. Vllaznia 31        11        4          16        26-34              34
8. Teuta 31        8        2          21        26-45              26
9. Apolonia 30        5        4          21        11-47              19
10. Elbasani 31        4        1          26        16-62              13