ASNN – Një ditë pasi Tirana triumfoi në derbin me Studentin, Flamurtari është kundërpërgjigjur dhe ka bërë detyrën në shtëpi, duke fituar ndaj Vllaznisë 67-57 dhe duke marrë sërish kreun e renditjes me 22 pikë, po aq sa bardheblutë, por me një pikëaverazh më të mirë të vlonjateve, që sidoqoftë, kanë luajtur një ndeshje më shumë.
Flamurtari fitoi ndaj vajzave kuqeblu, në një ndeshje të zgjidhur që në pjesën e parë, që është fituar nga vendëset me shifrat 28-10. E më pas vlonjatet kanë toleruar disi në lojë, ndërsa kanë qenë të qeta në administrimin e rezultatit dhe fitorja e tyre asnjëherë nuk është vënë në rrezik.
Në takimin tjetër të luajtur sot, Elbasani femra ka mposhtur lehtësisht Kamza Basket, teksa ka fituar me rezultatin 68-43. Kjo ndeshje është vendosur në favor të vendaseve nga epërsia e thellë e krijuar në pjesën e parë 25-11 dhe në atë të 3-ën, 22-8. Ndërkohë që Goga Basket ishte pushim, Skënderbeu pret të dielën në Korçë Apoloninë.
Kampionati Kombëtar
i Basketbollit – Femra
Kategoria e Parë
Java e 13-të
(24-26 shkurt 2017)
Të premten:
Studenti – Tirana 64-75
Të shtunën:
Flamurtari – Vllaznia 67-57
Elbasani – Kamza Basket 68-43
Të dielën:
Skënderbeu – Apolonia ora 10:00
Goga Basket pushim
Renditja
Nr. Skuadra N. F. H. Psh-Pp Pikë
- Flamurtari 12 10 2 972-762 22
- Tirana 11 11 0 789-676 22
- Goga Basket 11 10 1 1009-591 21
- Vllaznia 12 6 6 807-783 18
- Studenti 11 6 5 733-690 17
- Elbasani 12 4 8 859-879 16
- Skënderbeu 10 3 7 622-723 13
- Apolonia 11 1 10 659-959 12
- Kamza Basket 12 0 12 572-1053 12
