ASNN – Niveli më i lartë i Kampionati Kombëtar të Basketbollit për Meshkuj, që njihet ndryshe si Superliga, ka luajtur të premten dy ndeshjet e para të javës së saj të 13-të dhe Tirana ka shpartalluar Teutën, ndërsa Vllaznia i ka bërë mirë “detyrat e shtëpisë”, duke mundur Ardhmëria Basketin me 10 pikë epërsi.

Tirana e basketbollit të meshkujve e ka “shkelur me këmbë” Teutën, e cila pas dëmtimit të Robert Shestanit ka humbur “busullën” dhe nuk ka më asnjë orientim në fushë. Bardheblutë kanë bërë gjithçka mirë dhe është luajtur një lojë e ekuilibruar vetëm në pjesën e parë, ndërsa më pas, Tirana është lëshuar “pa duar”.

Përsa i përket ecurisë së lojës në Shkodër, duhet thënë se Vllaznia nuk e vuri asnjëherë në diskutim fitoren e ndeshjes dhe suksesi i ka takuar Vllaznisë, 67-57. Takimi i fundit i kësaj jave është ai që do të luhet në Vlorë, duke nisur nga ora 17:00, ku Flamurtari vendas pret Kamza Basketin.

Kampionati Kombëtar

i Basketbollit – Meshkuj

Superliga

Java e 13-të

(17-18 shkurt 2017)

Të premten:

Vllaznia – Ardhmëria Basket                       67-57

Tirana – Teuta                                              106-58

Të shtunën:

Flamurtari – Kamza Basket                        ora 17:00

Renditja

Nr.       Skuadra                     N.        F.         H.        Psh-Pp           Pikë

1. Tirana                         13        12          1        1237-853       25
2. Teuta                          13          9          4        1003-906       22
3. Vllaznia                     13          8          5        1009-877       21
4. Kamza Basket          12          6          6          931-992       18
5. Ardhmëria Basket    13          3          8          846-853       16
6. Flamurtari                  12          0        12          593-1139     12