ASNN – Kampionati Kombëtar i Basketbollit për Meshkuj ka luajtur të premten dy takimet e para të javës së 17-të të tij dhe, duke përfituar edhe nga ndeshja e Vllaznisë, që luhet sot në Shkodër ndaj Apolonisë, Tirana e ka thelluar hendekun në krye të renditjes, duke triumfuar në derbin me Partizanin.

Në fakt, bardheblutë dhe të kuqtë kanë luajtur derbin më të shpëlarë të basketbollit shqiptar. Pa tifozë, pa shumë spektakël dhe rivalitet në fushë, të dyja skuadrat janë turrur ta mbarojnë sa më shpejt këtë ndeshje, sepse në 19:00 do të niste ndeshja e futbollit, po midis Tiranës dhe Partizanit. Diferencat janë të mëdha, ndërsa trajneri bardheblu, Bujar Shehu, ka luajtur me 4 pesëshe të ndryshme në 4 pjesët e lojës.

Përfundimisht, një fitore e thellë e Tiranës, në shifrat 83-44, në një derbi pa pikë shije. Ndërkaq, Kamza Basket ka fiksuar vendin e tretë në renditje, teksa ka fituar me 42 pikë epërsi, 88-46, me Apoloninë e vendin të fundit, në takimin tjetër të luajtur të premten. Duket se 3 javë përpara përfundimit të fazës së dytë të meshkujve, janë njohur tashmë katër ekipet e “play-off”-it final.

Kampionati Kombëtar

i Basketbollit – Meshkuj

Superliga

Java e 17-të

(13-14 mars 2015)

Të premten:

Tirana – Partizani                83-44

Kamza Basket – Apolonia  88-46

Të shtunën:

Vllaznia – Flamurtari           ora 18:00

Renditja

Nr.       Skuadra                     N         F          H         Psh-Pp                      Pikë

1. Tirana             17        16        1        1462-1084                 33
2. Vllaznia             16        13        3        1317-1081                 29
3. Kamza Basket 17        10        7        1296-1049                 27
4. Partizani             17        8        9        1103-1217                 25
5. Flamurtari             16        3        13        1095-1243                 19
6. Apolonia             17        0        17        1027-1530                 17