ASNN – Niveli më i lartë i Kampionatit Kombëtar të Basketbollit për Meshkuj, që njihet ndryshe si Superliga, ka luajtur dje dy ndeshjet e para të javës së 12-të dhe dy skuadrat e kreut, Tirana dhe Teuta, kanë arritur fitore të kundërta me njëra-tjetrin, por që mjaftuan për të ruajtur “status-quo”-në e renditjes.

Tirana duket se është krijuar për të vendosur rekorde në kampionatin shqiptar, pasi dje është lëshuar “pa frena” në Sallën Sportive të Bathores, teksa e ka mundur me plot 58 pikë diferencë Kamza Basketin. Ndërkaq, Teuta u është rikthyer fitoreve, teksa dje në Sallën Kryesore të “Asllan Rusit” në kryeqytet ka mundur Ardhmërinë Basket 70-77.

Java e 12-të mbyllet sonte me takimin e fundit, që luhet në Pallatin e Sportit “Qazim Dervishi” në Shkodër, midis Vllaznisë dhe Flamurtarit, ku kuqeblutë pritet të mos kenë probleme ndaj vlonjatëve të vendit të fundit, në përpjekje për të rimarrë vendin e 3-të të renditjes.

Kampionati Kombëtar

i Basketbollit – Meshkuj

Superliga

Java e 12-të

(10-11 shkurt 2017)

Të premten:

Ardhmëria Basket – Teuta  70-77

Kamza Basket – Tirana                   61-119

Të shtunën:

Vllaznia – Flamurtari                       ora 18:00

Renditja

Nr.       Skuadra                     N.        F.         H.        Psh-Pp           Pikë

1. Tirana                         12        11          1        1131-795       23
2. Teuta                          12          9          3          945-800       21
3. Kamza Basket          12          6          6          931-992       18
4. Vllaznia                     11          6          5          819-773       17
5. Ardhmëria Basket    12          3          7          789-786       15
6. Flamurtari                  11          0        11          546-1016     11