ASNN – Kukësi u shkëput në vendin e parë të renditjes tashmë me 35 pikë pasi fitoi 2-0 me Skënderbeun e vendit të dytë. Të dy golat e kuksianëve u shënuan nga Pero Pejiç. Kroati theu Orges Shehin në minutën e 35-të dhe, në kufinjtë e përfundimit të pjesës së parë, fitoi edhe një 11-metërsh, që e ktheu po vetë në gol. Në pjesën e dytë, ekipi i Ernest Gjokës administroi rezultatin duke mos rrezikuar të pësonte.
Ndërkaq, në mbrëmje, Partizani i vendit të tretë, si gjithnjë edhe ndaj Korabit krijoi shumë volum loje dhe shënoi vetëm një gol. Izraeliti Azubel i dha fitoren të kuqve. Tirana fitoi 2-0 ndaj Luftëtarit. Shënues i golit të parë është Afrim Taku, ndërsa Mervij shënoi të dytin. Në Vlorë, Flamurtari mori tre pikët e plota në shtëpi ndaj Laçit me golin e Shehajt.
Kështu, Kukësi mund të ketë problem me skuadrat e vogla, por ndaj të mëdhave arrin të gjej suksesin. Kështu bëri edhe përball Skënderbeut në javën e 17-të të Kategorisë Superiore, në ndeshjen e zhvilluar në “Zeqir Ymeri” të cilën e fitoi pastër me rezultatin 2-0. Pero Pejiç mbetet protagonisti i këtij Kukësi që nuk ndalet përballë askujt dhe ende nuk e njeh humbjes.
Ndërkohë Skëndërbeut i zgjat shumë pak entuziazmi i fitores ndaj Tiranës sepse tashmë i duhet të ndajë edhe vendin e dytë me Partizanin që gjithashtu po përpiqet të mbaj hapin e verilindorëve. Skuadra e Starovës pa Ekuban ndaj Korabit, gjen rrugën e suksesit me sulmuesin izraelit Azubel, që shënon golin e parë pas kaq muajsh pjesë e kryeqytetasve.
Edhe Tiranës i rikthehet buzëqeshja pas suksesit të arritur përball Luftëtarit të cilin e mundur 2-0 në “Selman Stërmasi”. Bardheblutë gjejnë sërish rrugën e rrjetës me mesfushorin Taku, ndërkohë që në pjesën e dytë dyfishojnë me Mervijin, në një ndeshje ku edhe pse në pamje të parë rezultati duket i pastër, gjërat nuk ishin aspak të thjeshta për Tiranën, sepse gjirokastritët u munduan deri në fund.
Në ndeshjet e tjera Flamurtari fitoi përball Laçit duke e fundosur skuadrën kurbinase në fundin e renditjes, bashkë me Korabin, ndërsa Teuta dhe Vllaznia ndan nga një pikë në “Niko Dovana”.
