ASNN – Superliga, Pogradeci dhe Vllaznia fitore me shije “play-off”-i, Teuta e Lushnja rrezikojnë rënien. Janë luajtur dy takimet e radhës së javës së 12-të të Superligës së Kampionatit Kombëtar të Volejbollit për Femra, javë që është çelur më herët me fitoren 3-0 të Skënderbeut ndaj Barleti Volejit.

Pogradeci fitoi 3-0 (25-8, 25-20, 25-11) në fushën e tij ndaj Lushnjës, ndeshje që u komandua nga skuadra liqenore, e cila e meritoi fitoren. Fitorja mban skuadrën e Pogradecit në zonën e “play-off”-it, ndërsa Lushnja është me një këmbë në Kategorinë e Parë.

Po 3-0 (25-18, 25-18, 25-23) fiton edhe Vllaznia, që në fushën e saj mposhti Teutën. Edhe pse durrsaket u përpoqën të rivalizojnë, nuk arritën dot të fitojnë asnjë set, duke mbetur kështu në vendin e parafundit të renditjes. Ndërsa Vllaznia mendon më shumë për “play-off”-in.

Kampionati Kombëtar

Volejboll – Femra

Superliga

Java e 12-të

Të shtunën, 9 mars 2024:

Skënderbeu – Barleti Volej             3-0

Të premten, 15 mars 2024:

Pogradeci – Lushnja                                    3-0

Vllaznia – Teuta                                3-0

Të mërkurën, 20 mars 2024:

Tirana – Partizani                             (17:00)

Renditja

1. Skënderbeu 34 pikë
2. Partizani 30 pikë
3. Tirana 27 pikë
4. Vllaznia 16 pikë
5. Pogradeci 16 pikë
6. Barleti Volej 15 pikë
7. Teuta   3 pikë
8. Lushnja   0 pikë