ASNN – Superliga e volejbollit, Partizani, me triumf të dyfishtë ndaj Vllaznisë, Skënderbeu komandon kampionatin e femrave. Kështu, janë luajtur sot vetëm 3 ndeshje në kampionatin e volejbollit, dy prej të cilave ishin takime të prapambetura. Te femrat, Partizani mposhti 3-1 (25-22, 25-14, 19-25, 25-18) Vllazninë, ndeshje që nuk u luajt javën e kaluar.

Ndeshje mjaft e mirë për skuadrën e kuqe, që pati erpërsi në shumicën e kohës dhe e meritoi fitoren. Skuadra shkodrane shpresoi ta rihapte ndeshjen, duke fituar setin e 3-të, por më pas u dorëzua shpejt. Në krye të renditjes së Superligës së Kampionatit Kombëtar të Volejbollit për femra qëndron Skënderbeu, që mundi 3-0 (25-19, 25-23, 25-13)Barleti Volejin, në ndeshjen e luajtur në Korçë.

Skuadra universitare u përpoq të rivalizojë në dy setet e para, por pa mundur dot të fitojë, duke u dorëzuar pa kushte. Tek meshkujt, Partizani fitoi me lehtësi 3-0 (25-21, 25-14, 25-14) ndaj Vllaznisë, ndeshje që ishte ndërperë një javë më parë. Sfida nisi nga fillimi, me kryeqytetasit që e patën edhe më të lehtë këtë herë, duke mposhtur në çdo drejtim rivalët nga Shkodra.

Kampionati Kombëtar

Volejbollit – Femra

Superliga

Java e 11-të

(Ndeshje e prapambetur)

Partizani – Vllaznia              3-1

Java e 12-të

Të shtunën, 9 mars 2024:

Skënderbeu – Barleti Volej 3-0

Të premten, 15 mars 2024:

Vllaznia – Teuta

Pogradeci – Lushnja

Të mërkurën, 20 mars 2024:

Tirana – Partizani

Renditja

1. Skënderbeu 34 pikë
2. Partizani 30 pikë
3. Tirana 27 pikë
4. Barleti Voleji 15 pikë
5. Vllaznia 13 pikë
6. Pogradeci 13 pikë
7. Teuta   3 pikë
8. Lushnja   0 pikë

Kampionati Kombëtar

Volejbollit – Meshkuj

Superliga

Java e 11-të

(Ndeshje e prapambetur)

Partizani – Vllaznia              3-0

Renditja

1. Partizani 33 pikë
2. Erzeni 24 pikë
3. Tirana 21 pikë
4. Vllaznia 20 pikë
5. Studenti 18 pikë
6. Skënderbeu   9 pikë
7. Elbasani   6 pikë
8. Teuta   1 pikë