ASNN – Kategoria e Parë e Kampionatit Kombëtar të Futbollit ka luajtur të shtunën 9 nga ndeshjet e javës së 12-të në të dy grupet e saj dhe Rrjeti i Radio-Televizionit Shqiptar po sjellë për sportdashësit drejtpërdrejt dy nga përballjet më të spikatura. Kështu, në grupin B, apo grupin e Jugut, spikati përballja midis Bylisit dhe Apolonisë, e cila u luajt të shtunën. Kjo ndeshje vuri përballë ballshiotët deri të shtunën kryesues të renditjes së grupit B, me 23 pikë dhe fierakët që kishin mbetur 9 pikë prapa, në vendin e 6-të.
Kryesuesit e Bylisit mposhtën me rezultatin 1-0 Apoloninë në takimin e zhvilluar në “Adush Muça”. Goli i sulmuesi Beji i ka mjaftuar skuadrës ballshiote për të ruajtur kreun. Fitore e vuajtur për Besën, që ka përmbysur Tomorin në minutat e fundit të ndeshjes së luajtur në Kavajë. Përmbysje dramatike ka patyr edhe për Lushnjën, përballë Egnatias. Goli i Alushit në minutën e 89-të, ngjiti në vendin e 3-të skuadrën e trajnerit Ilir Gjyla. Nuk kanë falur në shtëpi as Pogradeci i Fetollarit që mposhti Orikun me rezultatin 2-1.
Dritë në fund të tunelit duket se ka edhe për Elbasanin. Skuadra e trajnerit Kotorrit, bindi në “derbin” e mbijetesës ndaj Turbinës së Cërrikut, aty ky golat e Ezikes dhe Sadikut ngjitën elbasanasit në vendin e parafundit, duke zhytur miqtë në fund. Ndërkaq, edhe grupi A i ka luajtur të shtunën pasdreke 4 nga takimet e javës së 12-të dhe, për skuadrat vendase, me përjashtim të Veleçikut të Koplikut, ato rezultuan ndeshje të suksesshme.
Ekipi i i Burrelit arriti që të fitonte me Erzenin me një rezultat minimal, dhe të njëjtën gjë me të njëjtin rezultat bëri dhe Korabi në shtëpi përballë Shënkollit. Ndërsa skuadra e Ilirisë arriti që të fitonte me rezultatin 3-1 në fushën e saj përballë Vorës. Takimi më i spikatur i këtij grupi është ai midis Vllaznisë dhe Dinamos, që do të luhet të dielën duke nisur nga ora 14 dhe do të sillet për sportdashësit drejtpërdrejt nga Rrjeti i Radio-Televizonit Shqiptar, në kanalin RTSH Sport. Shkodranët kryesojnë renditjen e gruipit A të shkëputur, në kuotën e 28 pikëve, 4 më tepër se Erzeni i vendit të dytë, ndërsa Dinamo mban vendin e 3-të, me 21 pikë.
Kategoria e Parë
Java e 12-të
Grupi A
Të shtunën, 8 dhjetor 2018:
Veleçiku Koplik – Besëlidhja 0-1
Burreli – Erzeni Shijak 1-0
Korabi Peshkopi – Shënkolli 1-0
Iliria Fushë-Krujë – Vora 3-1
Të dielën, 9 dhjetor 2018:
Dinamo – Vllaznia (13:30)
Drejtpërdrejt në RTSH Sport
Renditja
Nr. Skuadra N. F. B. H. Gsh-Gp Pikë
- Vllaznia 11 9 1 1 17 4 28
- Erzeni Shijak 12 8 0 4 18 9 24
- Dinamo 11 6 3 2 9 5 21
- Besëlidhja 12 6 0 6 14 13 18
- Korabi Peshkopi 12 5 2 5 13 14 17
- Veleçiku Koplik 12 5 1 6 10 12 16
- Iliria Fushë-Krujë 12 4 3 5 15 12 15
- Shënkolli 12 4 2 6 11 14 14
- Burreli 12 4 0 8 8 18 12
- Vora 12 1 2 9 9 23 5
Grupi B
Të shtunën, 8 dhjetor 2018:
Besa – Tomori 2-1
Pogradeci – Oriku 2-1
Lushnja – Egnatia Rrogozhinë 2-1
Elbasani – Turbina Cërrik 2-0
Bylis – Apolonia 1-0
Drejtpërdrejt në RTSH Sport
Renditja
Nr. Skuadra N. F. B. H. Gsh-Gp Pikë
- Bylis 12 8 2 2 16-6 26
- Besa Kavajë 12 7 3 2 14-7 24
- Lushnja 12 5 5 2 14-8 20
- Pogradeci 12 6 1 5 17-11 19
- Egnatia Rrogozhinë 12 6 1 5 12-14 19
- Apolonia 12 4 4 4 8-6 16
- Tomori Berat 12 4 4 4 13-14 16
- Oriku 12 3 5 4 11-11 14
- Elbasani 12 2 1 9 8-20 7
- Turbina Cërrik 12 1 2 9 6-22 5
