ASNN – Janë luajtur të mërkurën pasdreke ndeshjet e para të turit të dytë të Kupës së Shqipërisë dhe nuk kanë munguar të papriturat. Një nga këto ka ardhur nga Egnatia, e cila ka arritur të mundë Kukësin në Rrogozhinë me rezultatin 3-1. Rrogozhinasit e bënë gjithçka të lehtë duke shënuar që në minutën e 3-të me anë të Imerit.

Më pas, braziliani Pedro Augusto Kabral, me dygolëshin e tij, në minutat 37 dhe 65, firmosi suksesin e skuadrës në këtë ndeshje të parë. Për verilindorët goli i vetëm u shënuar nga Puntus në minutën e 67-të. Fitore në fushë të huaj korri edhe Vllaznia, që ka mposhtur në fushë të huaj Pogradecin me rezultatin 2-0. Hoxhaj, pas vetëm dy minutash lojë dhe Mustedanagiç, në të 73-ën firmosën suksesin e kuqebluve.

Fitore dhe për Laçin, që ka mundur 1-0 Tomorin, gol i Ademit në minutën e 32-të. Sfida mes Flamurtarit dhe Kastriotit ka përfunduar në barazim 0-0. Partizani  është zgjuar në Kupë, duke marrë një fitore minimale 1-0 përballë një kundërshtari si Besëlidhja, e cila i ka hapur jo pak punë në vitet e fundit në veprimtarinë e dytë të futbollit shqiptar.

Ka mjaftuar një gol i Zhunior me 11-metërsh në fillim të ndeshjes, që të kuqtë të hedhin një hap të rëndësishëm në këtë veprimtari. Fitore 1-0 edhe për Teutën në Peshkopi përballë Korabit, vendosi goli i Lorenco Vilës në fundin e pjesës së parë. Barazim 1-1 mes Bylisit dhe Skënderbeut. Takimi i fundit i ditës është derbi i pasdites në kryeqytet midis Dinamos dhe Tiranës

 Kupa e Shqipërisë

Turi i 16-shes

Grupi A

Të mërkurën, 3 nëntor 2021:

Korabi – Teuta                                   0-1

Besëlidhja – Partizani                      0-1

Bylis – Skënderbeu                          1-1

Dinamo – Tirana                               2-0

Grupi B

Të mërkurën, 3 nëntor 2021:

Tomori – Laçi                                     0-1

Pogradeci – Vllaznia                                    0-2

Egnatia Rrogozhinë – Kukësi        3-1

Flamurtari – Kastrioti                        0-0