ASNN – Janë luajtur të dielën pasdreke 4 takimet e para të javës së 25-të të Kategorisë Superiores dhe Vllaznia është rikthyer në krye të renditjes, pasi ka mundur Kastriotin në minutat shtesë me një gol të shënuar nga Ardit Hoxhaj. Një duel shumë i luftuar, i mbyllur në mënyrë dramatike në favor të shkodranët, që rigjejnë kreun, ndërsa, në krahun tjetër, krutanët shohin tashmë Bylisin t’u afrohet.

Ka zhgënjyer Laçi, që e ka mbajtur vetëm një javë vendin e parë, pasi bëri një hap fals të shtunën në shtëpi, përballë Tiranës, “kampione” në fuqi. Bardheblutë, më të freskët fizikisht dhe shumë kërkues, ndëshkuan Laçin fillimisht me Çelhakën dhe më pas e pësuan direkt nga goditja e këndit prej Mazrekajt. Laçi nuk shënoi dot me Shehun, kurse nga ana tjetër Ismajgeci nuk fali me një goditje me të majtën.

Kurbinasit tentuan të barazojnë dhe rrezikuan me Mazrekajn dhe Markun, por Lika ishte shpëtimtar për Tiranën. Në fund Seferi mund të shënonte edhe golin e 3-të. Në Ballsh Bylisi nuk e fali Kukësin, duke e mundur falë dy golave të shënuar me anë të Edison Ndrecës. Për verilindorët golin e vetëm e shënoi Numan Kurdiç. Fitore e rëndësishme edhe për Skënderbeun, që mundi rivalët e Apolonisë.

Sadriu realizoi i pari për korçarët, por Mihana u kundërpërgjigj. Në fund Meksi me penallti i dha fitoren skuadrës së trajnerit Migen Memelli. Ndërkaq, takimi i fundit i javës së 25-të të Kategorisë Superiore është ai që do të luhet në Stadiumin “Elbasan Arena”, duke nisur nga ora 16:00, midis Partizanit dhe Teutës, me të dyja skuadrat që kanë shansin që, me një fitore, t’i bashkohen Vllaznisë në krye të renditjes.

Kategoria Superiore

Java e 25-të

Të dielën, 21 mars 2021:

Laçi – Tirana                                                              1-2

Shënues: Mazrekaj 40’ / Çelhaka 23’, Ismajgeci 78’

Stadiumi i Laçit

Apolonia – Skënderbeu                                          1-2

Shënues: Mihana 62’ / Sadriu 24’, Meksi 90’+2(11-m.)

Stadiumi “Loni Papuçiu”, Fier

Kastrioti – Vllaznia                                                    0-1

Shënues: Hoxhaj 90’+2

Stadiumi i Kamzës

Bylisi – Kukësi                                                           2-1

Shënues: Ndreca 15’, 45’ / Kurdiç 53’

Stadiumi “Adush Muça”, Ballsh

Partizani – Teuta                                                       (16:00)

Stadiumi “Elbasan Arena”