ASNN – Tirana kap Besëlidhjen në krye të renditjes, Vllaznia mposht Kamza Basket pas kohës shtesë. Në pritje që Besëlidhja kryesuese e Superligës të luajë të dielën në mbremjë në takimet e javës së 15-të, rivalët e saj kanë bërë detyrën. Tirana mundi 130-100 Elbasanin jashtë fushe, duke kapur lezhjanët në krye të renditjes.

Dejvisi, me 30 pikë, dhe Isajasi, me 25, bënë dallimin për bardheblutë. Në pikë të barabarta me këtë dyshe në vendin e parë është edhe Vllaznia, që mundi 84-81 Kamza Basket në fushën e kësaj të fundit. Një ndeshje e ekuilibruar deri në fund, vendosur pas kohës shtesë në favor të shkodranëve.

U dalluan në këtë fitore Saab dhe Taker, me nga 22 pikë secili. Jashtë fushe fiton edhe Teuta, që mundi 82-76 Partizanin në “Asllan Rusi”. Për miqtë nga Durrësi u dallua Bejkon, me 28 pikë, që i bëri të pavlefshme 29 pikët e Mejxhorit, për të “kuqtë”. Skuadra e Fieri Basket, falë 28 pikëve të Brendonit e 26 të Danëllisë, mundi 93-53 Skënderbeun.

Kampionati Kombëtar

Basketboll – Meshkuj

Superliga

Java e 15-të:

Kamza Basket – Vllaznia      81-84

Elbasani – Tirana                 100-130

Partizani – Teuta                     76-82

Fieri Basket – Skënderbeu   93-53

Flamurtari – Besëlidhja        (3 mars)

Apolonia                                (pushim)

Renditja

1. Besëlidhja                 24 pikë
2. Tirana                         24 pikë
3. Vllaznia                     24 pikë
4. Kamza Basket          23 pikë
5. Teuta                          23 pikë
6. Apolonia                    21 pikë
7. Elbasani                    19 pikë
8. Partizani                    18 pikë
9. Flamurtari                  17 pikë
10. Fieri Basket 15 pikë
11. Skënderbeu 14 pikë