ASNN – Partizani është mundur 0-2 në Gjirokastër përballë Lufëtarit vendas, në takimin e luajtur sot dhe të sjellë për sportdashësit drejtpërdrejt nga Rrjeti i Radio-Televizionit Shqiptar.
Luftëtari vendas, që ka triumfuar me shifrat 2-0, me nga një gol të shënuar për secilën pjesë loje dhe Partizani mbetet në kuotën e 32 pikëve, 4 më pak sesa Kukësi kryesues, që fitoi të shtunën në Shkodër.
Verilindorët triumfuan ndaj Vllaznisë vendase, me një gol të vetëm, të realizuar nga Pejiç në minutat e fundit të të ndeshjes. Tanimë të kuqtë ndajnë vendin e dytë dhe të 3-të me Skënderbeun.
Ky i fundit ka fituar 1-0 në Korçë ndaj Flamurtarit me një gol të shënuar nga Jashanica në minutën e 86-të. Po me një gol të vetëm ka fituar në “Elbasan Arena” edhe Laçi ndaj Korabit në takimin tjetër të pasdrekës.
Java e 19-të mbyllet sot në mbrëmje, me takimin që nis në ora 17:00, midis Teutës dhe Tiranës.
