ASNN – Janë luajtur dje 3 nga ndeshjet e javës së 12-të të nivelit më të lartë të Kampionatit Kombëtar të Volejbollit për Femra, që njihet si Grupi A1 dhe Barleti Volej ka vazhduar me serinë e fitoreve në kampionat, por trajneri i kësaj skuadre Hasan Gurabardhi ka qenë i pakënaqur me lojën e skuadrës së tij në fitoren 3-0 ndaj Skënderbeut.
Kjo sepse, pavarsisht fitores, kampionët në fuqi u kanë falur 7 pikë për set korçareve dhe për këtë arsye Gurabardhi dje nuk ka qenë i kënaqur me të tijtë. Ndërkaq, në derbin e kryeqytetit, bardheblutë e Adrian Gorenxës, përsëri pa Shkurtin e Laskun, por me Nezajn, Bllokun, Pirrën, Tucin e Agollin i detyrojnë të kuqet e Roland Tares të dorëzohen pa kushte, duke fituar në 3 sete.
Në takimin tjetër të javës, Elbasani ka mundur lehtësisht Flamurtarin në volejboll për femra, në shifrat 3-0, teksa kështu ka siguruar përfundimisht qëndrimin në nivelin më të lartë të volejbollit shqiptar, kurse vlonjatet i kanë dhënë lamtumirën këtij niveli, duke rënë kështu nga kategoria. Takimi i fundit i kësaj jave është ai i së mërkurës, midis Vllaznisë dhe Teutës, që do të luhet në Shkodër.
Kampionati Kombëtar
i Volejbollit – Femra
Grupi A1
Java e 12-të
(25-30 mars 2016)
Të premten:
Barleti Volej – Skënderbeu 3-0
Partizani – Tirana 0-3
Elbasani – Flamurtari 3-0
Të mërkurën:
Vllaznia – Teuta ora 15:00
Renditja
Nr. Skuadra N. F. H. Setet Pikë
- Barleti Volej 12 12 0 36-1 36
- Tirana 12 11 1 34-3 33
- Skënderbeu 12 9 3 27-13 25
- Partizani 12 5 7 15-25 15
- Vllaznia 11 4 7 15-21 13
- Teuta 11 4 7 15-22 13
- Elbasani 12 2 10 8-30 6
- Flamurtari 12 0 12 1-36 0
