ASNN – Tek Luftëtari, dëshira për të luajtur ekziston te të gjithë lojtarët. E kjo e bën edhe konkurrencën më të madhe. Për këtë arsye, trajneri Nikolin Çoçlli dhe stafi drejtues kanë vendosur t’u japin minuta loje të gjithë lojtarëve, për të parë edhe gjendjen e tyre.

Por për të qenë gjithnjë në formacion, sigurisht që kusht është vazhdimësia e lojës së mirë nga ana e këtyre lojtarëve. Luftëari luan me Vllazninë këtë fundjavë. E trajneri Çoçlli beson te rezultati pozitiv. Ai shprehet se këtë e bazon te fryma e skuadrës, e cila ka ndryshuar, duke bërë që t’i shikojnë më me pozitivitet ndeshjet për vazhdimësinë.

Ndërsa mungesën e pikëve trajneri e justifikon me faktin se janë përballur me skuadra të forta. Sidoqoftë, trajneri shpreson se në ndeshjet e ardhshme, skuadra e tij, do të marrë pikë.