ASNN – Erlis Frashëri është lojtari më i mirë i Luftëtarit për vitin 2014. Kështu kanë votuar tifozët në faqen e “Facebook”-ut të KF Luftëtarit.
Frashëri, i cili ka mbërritur tek skuadra gjirokastrite gjatë lëvizjeve të futbollistëve në verë, ka shënuar 4 gola për fanellën bluzi.
Madje për pjesën e parë të sezonit është shënuesi më i mirë i gjirokastritëve. Dhe për këtë arsye, Frashëri është lojtari më i mirë i vitit 2014.
Ndërsa stafi teknik i bluzinjve, së bashku me stafin e faqes së “Facebook”-ut, i kanë uruar lojtarit sa më shumë gëzime me fanellën bluzi.
