ASNN – “Mercedes”-i është plotësisht para të gjithëve edhe në seksionin e dytë të provave të lira në Çmimin e Madh të Evropës, në Bakú të Azerbajxhanit. Ashtu sikurse edhe në seksionin e parë të provave të lira, koha më e mirë është shënuar nga Ljuis Hemiltonit, me 1’44”223, ndërsa ka qenë përpara shokut të skuadrës dhe rivalit të tij, Niko Rosberg, (1’44”913).
Madje ka qenë edhe përpara Serxhio Perez të “Force India” (1’45”336). Shumë larg pilotët e “Ferrari”-t, me Sebastian Fetelin, që ka qenë vetëm i 8-ti me kohën 1’46”219, dhe Kimi Raikonenin, i cili, me 1’46”694, është renditur i 13-ti.
Perez i “Force India” është i treti përpara Botas dhe Hulkenberg. Probleme elektrike në motor e kanë detyruar finlandezin e “kokëkuqes”, Kimi Raikonen, të parkojë në kthesën e pestë.
