ASNN – Liverpuli po bën një tribunë të re në “Enfilld Roud”, bazuar në një projekt që kushton deri në 80 milionë stërlina. Punimet janë në rrugën e duhur dhe do të përfundojnë në kohë për fillimin e sezonit 2023-2024. Kështu, gjigandja angleze po rikonstrukton stadiumin e vet, bazuar në një projekt që kushton deri në 80 milionë stërlina. Punimet janë në rrugën e duhur dhe parashikohet të përfundojnë në fillim të sezonit futbollistik 2023-2024.
Projekti përfshin kryesisht ndërtimin e plotë të tribunës kryesore, që do të shtojë numrin e ulëseve deri në 7,000, duke e çuar kapacitetin e përgjithshëm të stadiumit në 61,000 vende. Billi Hogan, drejtori i përgjithshëm i klubit të të kuqve, tregon se ata po konsiderojnë idenë e shitjes së emrit të tribunës së re, me qëllim mbledhjen e fondeve të reja ndaj janë duke shqyrtuar ofertat e duhura. “Është sigurisht diçka që ne do ta konsiderojmë”, – ka thënë ai.
“E bëjmë këtë lëvizje për të mirën e gjithë Stadiumit “Anfilld Roud” dhe të ardhmes të shëndetshme financiare të klubit”, shtoi Hogan. Javën e kaluar “Sportsmail” raportoi se mbulesa e re e madhe e stadiumit të Liverpulit u zhvendos për të kryer punime. 30 inxhinierë të aftë shpenzuan 12 orë për të siguruar strukturën kryesore në mbulesën e re, duke detajuar se u përdorën 25,000 bulona për ta instaluar atë.
Ndërkohë që është shtruar një tapet i ri hibrid në fushë. Ky tapet krijon lehtësira përsa i përket mirëmbajtjes sepse nuk kërkon aq shumë kohë për t’u ripërtërirë në çdo stinë të verës.
