Në nenin 14 pika 4 të ndryshimeve të reja është thënë që: “Ministria përgjegjëse për sportin njeh vetëm një Federatë në një sport të caktuar dhe asnjë organizatë tjetër nuk mund të ushtrojë të drejtat e saj”. “Mirëpo, – thotë Shytaj, – këtu shtohet konflikti, sepse një Federatë e sportit shkollor, apo Universitar ca do bëj basketboll, volejboll, atletikë. Pra janë ngatërresa, sepse ndërhyn në kompetencat e një Federate tjetër, e cila praktikisht për veprimtari të disiplinës specifike të saj duhet të japë ajo leje.”
“Ne e kemi pas në ligj në nenin 6, pika, 3, atje ku çdo institucion privat mund të krijojë shoqatën e vet sportive, – ka vijuar specialisti. – Pra dhe në këtë pikë të gjitha njësitë vendore, apo kushdo mund të krijojnë shoqatat e tyre sportive dhe në bashkëveprim me Federatat të disiplinave të veçanta sportive harton veprimtarinë. Pra duhet të jenë shoqata sportive të sportit shkollor dhe universitar, pa Federata, sepse nesër nëse nuk do t’i njihen vendimet shkojnë në gjykatë.”
“Aq më tepër që në nenin 5/1 e kemi pasur taksative që shteti i delegon një federate sportive të drejtën e ushtrimit të aktivitetit. E thënë ndryshe fut shumë palë në konflikt”. Madje një gjë e tillë është e specifikuar dhe në nenin 15, pika për Federatat Sportive, si dhe në nenin 16, pika 5, për çështjen e kompetencave”, – ka përfunduar Drejtori i Institutit të Kërkimit Shkencor, Prof. Asc. Dr Artan Shytaj.
