ASNN – Të shtunën në mesditë i është dhënë lamtumira e fundit ish-futbollistit të Besëlidhjes të fundviteve 1970-1980, Zef Doda, i cili është ndarë nga jeta përpara tri ditësh në moshën 59-vjeçare në Londër, atje ku jetonte së bashku me familjarët e tij. Zef Doda e ka nis futbollin në Lezhë që i vogël dhe ka lozur me fanellën e Besëlidhjes deri sa e ka lënë sportin.
Ka qenë përkrah legjendave të futbollit lezhjan Gëzim Hasku, Vasil Bici, Xhabir Gruda, Paulin Deda, Fehmi Rama, Nefail Zhejani, Eduart Kraja, Shaqir Xhabiri, Skender Abdyli, Besnik Baraj, Sokol Pelingu, Gjovalin Gega etj. Gjatë militimit të Zef Dodës me Besëlidhjen kjo skudër ka qenë pjesë e Kategorisë së Parë të asaj kohe (Superiore) për tetë sezone 1978-79, 1980-83, 1984-86 dhe 1987-90.
Zef Doda ka lozur si mesfushorë krahu, ku me pasimet për gol, apo golat e tij vendimtarë, do të mbahet mend në historinë e Besëlidhjes si protagonisti kryesorë për ngjitjen e saj në Superiore katër herë.
