ASNN – Vllaznia ka nxjerrë ndër vite lojtarë shumë të mirë, sidomos sulmues, por asnjëri prej tyre nuk luan për klubin shkodran dhe kjo është një mangësi e madhe e vetë drejtuesve të klubit kuqeblu.

“T’ju them të vërtetën nuk e di se cilët janë drejtuesit e Vllaznisë aktualisht dhe nuk kam kontaktuar me askënd prej tyre. Besoj se për t’u rikthyer te Vllaznia s’kam nevojë të kontaktoj me ndokënd, sepse bëhet fjalë për shtëpinë time”.

Kështu shkruan Xhevahir Sukaj, i cili i lë një mundësi hapur Vllaznisë për të luajtur sezonin e ardhshëm si kuqeblu. Madje ai thotë se para Vllaznisë nuk do të zgjidhte asnjë skuadër tjetër në Shqipëri, pavarësisht ofertave.