ASNN – Futbollistët e Kombëtares nuk patën një javë të mbarë në Serie A. Thomas Strakosha mund të quhet lojtari me paraqitjen më të mirë edhe pse Lacio dështoi të fitonte me Spalin, sfidë kjo që u mbyll pa gola.
Megjithatë Strakosha ishte i kujdesshëm në çdo rast kur duhet të ndërhynte. Një notë më pak për Etrit Berishën. Goditja e dënimit të Kolarovit, që solli edhe golin ishte pika kyçe e sfidës, pasi Atalanta humbi 0-1 në shtëpi me Roma.
Pavarësisht mjeshtërisë së futbollisti kundërshtar,
Beisha mund të tregohej më i vëmendshëm. Një nisje për tu harruar edhe për Elseid Hysajn. Napoli fitoi 3-0 me Verona, por mbrojtësi shqiptar u largua nga fusha me karton të kuq.
Specialistët e gjykuan si të pasaktë vendimin e gjyqtarit, por, sidoqoftë, Hysaj do të mungojë në ndeshjen e radhës. Arlind Ajeti dhe Berat Gjimshiti qëndruan në stol, teksa Krotone humbi 0-3 me Milanin, ndërsa Benevento u mund 1-2 nga Sampdoria.
