ASNN – Futbollistët e rinj shqiptarë po spikatin në kampionatet e futbollit të vendeve evropiane. Kështu, vazhdon sezoni i shkëlqyer për Eros Grezdën, pasi sulmuesi sërish është përzgjedhur në formacionin e javës në Kroaci.
Pas Taulant Xhakës në Zvicër, edhe Eros Grezda fiton një vend në formacionin e javës në kampionatin kroat. Sulmuesi i cili u grumbullua për ndeshjet e fundit me përfaqësuesen kuqezi të Nën-21-vjeçarëve, bëri një tjetër paraqitje të mirë me Lokomotivën e Zagrebit në ndeshjen e fundit.
Skuadra e tij u mund 0-1 nga Rijeka e Bekim Balajt, por kjo nuk e pengoi futbollistin që të merrte vlerësimet e specialistëve që I kanë rezervuar një vend në ekipin më të mirë të javës. Eros Grezda ka luajtur 24 ndeshje në këtë sezon të kampionatit kroat dhe ka shënuar 8 gola.
