ASNN – Ka qenë ditë golash e lojtarëve shqiptarë e shtuna në Serinë B të futbollit italian.

Edgar Çani ka shënuar golin e parë në barazimin 2-2 të Katanias me Breshian, duke u dhënë një pikë të çmuar sicilianëve, që janë ende pranë zonës së rënies nga kategoria.

Për sulmuesin shqiptar ky është goli i tretë sezonal. Nuk ka munguar në shënjestër as Ledian Memushaj.

Mesfushori që aktivizohet me Peskarën, ka qenë autori i golit të parë në sfidën e zhvilluar në fushën e Peruxhias, që përfundoi në barazim 2-2.

Memushaj u tregua i vëmendshëm kur portieri vendas grushtoi 11-metërshin e Manieros, duke e goditur menjëherë.

Si Edgar Çani dhe Ledian Memushaj e kanë veshur, ndonëse jo rregullisht, fanellën e Kombëtares shqiptare.