ASNN – Besart Berisha bëhet sërish protagonist në Australi, gol spektakolar dhe karton i kuq për sulmuesin. Kështu, në fillim shënoi një gol spektakolar, ndërsa më pas u ndëshkua me karton të kuq në mënyrë krejt të çuditshme.

Në të mirë dhe në të keq, Besart Berisha ishte sërish protagonist në kampionatin australian të futbollit. Ish-sulmuesi i kombëtares shqiptare shënoi golin e epërsisë për Melburn Viktori me një veprim të rrallë.

Por, në fundin e pjesës së parë, ai u detyrua të linte fushën e lojës me karton të kuq. Sulmuesin e tradhëtuan nervat dhe, teksa ishte duke marrë ndihmën e mjekëve pas një ndërhyrjeje të rëndë, bëri një gjest anti-sportiv ndaj kundërshtarit të tij.

Ky veprim i kushtoi kartonin e kuq Besart Berishës, por sidoqoftë, nuk ndikoi në rezultatin e ndeshjes që u fitua me rezultatin 4-1 nga Melburn Viktori.