ASNN – Laçi është konsoliduar prej disa vitesh në Kategorinë Superiore dhe ky ekip lufton jo për mbijetesë por për vend nderi në renditje.

Sezonin e fundit arriti të fitojë Kupën e Shqipërisë dhe shumë syresh mendojnë se kjo u arrit falë punës së mirë të trajnerit Armando Cungu.

Dhe nuk gabohen, sepse Cungu është shndërruar në trajneri që u shkakton panik rivalëve të tij në kampionat.

Kjo, nisur nga skemat taktike efikase që aplikon dhe karikimi i pazakontë që u bën lojtarëve të tij, duke i motivuar si askush tjetër për të dalë me rezultat pozitiv nga fusha.

Kjo ndodhi edhe në takimin ndaj Partizanit këtë sezon, ku Laçi barazoi në “Qemal Stafa” 1-1 me të kuqtë, pavarësisht se Partizani shihet pretendent.