ASNN – Italia dhe Shqipëria, fqinjë, miq dhe rivalë. Tirana është pak si Roma. Në 1991 mijëra shqiptarë mbërritën në brigjet e Pulias. Ndërsa në futboll, prania e shqiptarëve në Itali fillon me Bogdanin e Taren. “La Gazzetta dello Sport” i kushton një kryeartikull historisë së fqinjësisë midis dy vendeve për të ardhur deri në ndeshjen e së premtes.
Kështu, prestigjozja italiane, “La Gazzetta dello Sport” i ka kushtuar një artikull kryesor ndeshjes Itali-Shqipëri, duke vënë në dukje jo vetëm futbollin por edhe marrëdhëniet midis dy popujve. Itali-Shqipëri, e programuar për t’u luajtur të premten në Palermo, nuk do të jetë një ndeshje si gjithë të tjerat.
Jo vetëm se luhet për të siguruar vendin e parë në grupin G, por as sepse në drejtim të skuadrës shqiptare ndodhet një trajner italian si Xhovani de Biazi. Në kryeartikull, gazetari Luka Biankin tregon historinë e një marrëdhënie speciale që ekziston midis Shqipërisë dhe Italisë. Në këtë histori, 1991-shi është viti kyç.
Kur nga muaji mars e deri në gusht, mijëra shqiptarë mbërritën në brigjet e Puljas e Barit me anije. Në kërkim të një jete më të mirë, të gjithë u ngujuan në Stadiumin “Fitorja”, për ditë me radhë. Në Shqipëri sapo kishte rënë sistemi komunist dhe bota po ndryshonte.
Pastaj në futboll, në 2000 Erjon Bogdani nënshkruan me Rexhinën. Për t’u ndjekur nga të tjerë si: Igli Tare, Lorik Cana, Përparim Hetemaj, Etrit Berisha, Elseid Hysaj, Rei Manaj, Arlind Ajeti, Thomas Strakosha. Ndërsa tani në 2017 është kanë ndryshuar shumë gjëra. Bëhet fjalë për një provë integriteti.
Itali-Shqipëri, miqësorja e luajtur në Xhenova çertifikoi se kohët kanë ndryshuar. Kur 25 mijë tifozë shqiptarë kënduan himnin e Mamelit dhe Tare tha se për të kjo ishte gjëja më e bukur që kishte parë. Të gjithë presin që një shfaqje e bukur futbolli dhe miqësie të tregohet edhe në Palermo.
