ASNN – I kthyer tashmë në traditë, Turneu i minifutbollit “Panajot Pano” ka zhvilluar edicionin e 6-të. Për herë të parë në këtë veprimtari mori pjesë edhe një ekip me gazetarë nga Gjermania dhe pikërisht nga “Deutsche Welle”. Ndërsa ekipet e tjera janë nga RTK Kosova, Maqedonia, Shkodra, “SuperSport”-i, “Tring”-u, “RTSH”-ja dhe “Sport Plus”-i.
Pas ndeshjeve eliminatore, në gjysmëfinale kanë dalë ekipet e Shkodrës, RTK Kosovës, “Tring”-ut dhe “SuperSport”-it. Në turneun e organizuar në dy ditë, gara ishte e madhe teksa në finale arritën skuadrat e dy paketave të transmetimeve me pagesë, “SuperSport” dhe “Tring Comunication”, me këta të fundit që u shpallën dhe fitues të edicionit të 6-të turneut “Panajot Pano”.
Turneu “Panajot Pano” ka zhvilluar këtë fundjavë në edicionin e tij të 6-t. Për herë të parë në këtë aktivitet do të marrë pjesë edhe një skuadër me gazetarë nga Gjermania. Ndërsa skuadrat e tjera janë nga Kosova, Maqedonia, Shkodra dhe Tirana. Ekipet pjesëmarrëse në këtë turne janë të përbërë nga gazetarë nga “Deutsche Welle”, RTK Kosova, Maqedonia, Shkodra, “SuperSport”-i, “Tring”-u, “RTSH”-ja dhe “Sport Plus”-i.
Në ceremoninë hapëse të aktivitet merrnin pjesë figura të shquara të futbollit shqiptar ndër vite, Ramazan Rragami, Mexhit Haxhiu, Armir Grima, Fatbardh Jera, Mikel Janku, Drejtori i Sporteve në Ministrinë e Arsimit dhe Sportit, Vladimir Gjonaj, bashkëshortja e Panajot Panos, Rebeka dhe djali i tij, Ledio etj. Bahri Cani, gazetari shqiptar që punon në Dojçe Vele, ka shprehur emocionet për pjesëmarrjen në këtë turne.
Cani i ka bërë një dhuratë simbolike bashkëshortes së Panajot Panos, Rebekës. Më pas i ka ardhur radha ekipeve të zhvillojnë garën midis tyre. Pas ndeshjeve eliminatore, të luajtura sipas shortit, në gjysmëfinale kanë dalë ekipet e Shkodrës, RTK Kosovës, “Tring”-ut dhe “SuperSport”-it. Në finale arritën skuadrat “SuperSport”-it dhe “Tring”-ut dhe këta të fundit që u shpallën dhe fitues të edicionit të 6-të turneut “Panajot Pano”.
