ASNN – Turi i 16-shes, 6 ndeshje luhen të enjten e nga një të premten e të shtunën. Përtej miqësores së Shqipërisë me Kosovën, futbolli shqiptar vijon veprimtaritë e tij. Kështu, Kupa e Shqipërisë do të zhvillojë ndeshjet e turit të 16-shes, të cilat, janë të shtrira në 3 ditë, të enjten, të premten dhe të shtunën. Veprimtaria e dytë e futbollit në vend, Kupa e Shqipërisë do të zhvillojë ndeshjet e turit të 16-shes, të cilat, janë të shtrira në 3 ditë, të enjten, të premten dhe të shtunën.

Siç dihet, ky sezon ka një risi, teksa, për shkak të nisjes me vonesë të sezonit futbollistik, për shkak të bojkotit të Ligës Profesioniste, nuk do të ketë përballje me sistem vajtje-ardhje, por fati i skuadrave që do të vijojnë më tej do të vendoset me një përballje të vetme. Kështu, të enjten, duke nisur nga ora 13:30, luhen 6 prej takimeve, ku spikatin dy duelet e vetme midis skuadrave të Kategorisë Superiore.

Teuta do të presë në Durrës Kastriotin në duelin e parë, ndërsa Apolonia do të përballet me Partizanin, me të 4 ekipet që do të synojnë të kualifikohen, për të mbetur në valle për një trofe këtë sezon. Ndërkaq, të 4 duelet e tjera të së enjtes vënë përballë ekipet e Superiores me ato të Kategorisë së Parë, teksa Tirana ndeshet me Korabin, Dinamo viziton Ballshin për t’u ndeshur me Bylisin, Besa sfidon Kukësin.

Ndërsa Pogradeci përballet në Korçë në derbin e prefekturës me Skënderbeun. Dy përballjet e tjera midis skuadrave të dy niveleve të sipërme të Kampionatit Kombëtar të Futbollit, Vllaznia-Elbasani dhe Laçi-Egnatia e Rrogozhinës, luhen përkatësisht të premten dhe të shtunën, duke nisur nga ora 13:30. Në përfundim të këtyre takimeve do të njihen edhe 8 skuadrat çerekfinaliste që do të vijojnë më tej betejën për trofeun e dytë të futbollit shqiptar.

Kupa e Shqipërisë

Turi i 16-shes:

Të enjten, 12 nëntor 2020:

(13:30)            Tirana             –           Korabi Peshkopi

(13:30)            Teuta              –           Kastrioti Krujë

(13:30)            Bylis                           –           Dinamo

(13:30)            Kukësi                        –           Besa Kavajë

(13:30)            Skënderbeu  –           Pogradeci

(13:30)            Partizani                    –           Apolonia

Të premten, 13 nëntor 2020:

(13:30)            Vllaznia                     –           Elbasani

Të shtunën, 14 nëntor 2020:

(13:30)            Laçi                             –           Egnatia Rrogozhinë