ASNN – Pas udhëtimit 14-orësh dhe zërave për largime, vëmendja përqendrohet tek kundërshtarja gjeorgjiane. Kanë mjaft intensive 48 orët e fundit për Kukësin, që u eliminua të mërkurën në turin e dytë të Ligës së Kampioneve, duke u mundur 0-3 përballë Karabagu, ndërsa ndeshja e parë në Shqipëri ishte mbyllur me rrjeta të paprekura. Skuadra verilindore ka kaluar nga një dështim në Ligën e Kampioneve, tek një udhëtim i lodhshëm, tek spekulimet e merkatos dhe menjëherë tek përgatitjet për një tjetër sfidë kontinentale.
Kështu mund të përmblidhen këto 48 orët e fundit për skuadrën verilindore, e cila është eliminuar të mërkurën në turin e dytë të Ligës së Kampioneve, duke u mundur 0-3 përballë Karabagu, ndërsa ndeshja e parë në Shqipëri ishte mbyllur me rrjeta të paprekura. Dhe, pas asaj humbjeje ku ndaj Kukësit u dhanë tri 11-metërsha, që e kanë acaruar presidentin Safet Gjici, i cili ka qenë gjithashtu i pakënaqur me skuadrën e tij, ka ardhur një udhëtim 14-orësh nga kryeqyteti i Azerbajxhanit, Baku, drejt Stambollit e më pas drejt Tiranës.
Delegacioni i skuadrës shqiptare është nisur nga kryeqyteti azer rreth orës 18:30 të mbrëmjes, por për shkak të probleme me ndërthurjen e fluturimeve,ka ndeshur për shumë orë në aeroportin turk, për të arritur në kryeqytetin shqiptar vetëm në orën 08:00 të mëngjesit të së premtes. Sikur të mos mjaftonte kjo, në media janë hapur zërat se 4 lojtarë, Plaku, Shkodra, Dzharia dhe Rodriges janë drejt largimit të menjëhershëm. Por burime zyrtare pranë klubit verilindor i kanë hedhur menjëherë poshtë si të paqena këto spekulime.
Ato kanë theksuar se vetë fakti se Kukësi do të vijojë aventurën e tij në një tjetër veprimtari kontinentale, në Ligën e Evropës, nënkupton se nuk ka shanse që grupi i lojtarëve të preket. Madje në klubin nënkampion të Shqipërisë ekziston edhe bindja se vazhdimi në veprimtarinë e dytë të klubeve të kontinentit është i mundshëm, sepse përballë në turin e 3-të do të jetë skuadra e Torpedos së Kutaisit. Skuadra gjeorgjiane nuk është në nivelin e ekipeve më me emër në vend, si Dinamo e Tbilisit, dhe për herë të parë në histori ka arritur në këtë fazë të Ligës së Evropës.
