Krosi Kombëtar, edhe duke qenë se ishte e diel dhe ditë pushimi, në Kodrat e Liqenit është zhvilluar mes njerëzve, vrapuesve amator, biçikletave dhe qenve. Pikërisht këto të fundit, edhe pse kanë qenë të shoqëruar me të zotin, janë bërë shqetësues për vrapuesit e krosit.

Madje një atlete e Mjeshtërisë Sportive Durrës në 4 kilometra për të reja është trembur gjatë vrapimit të saj, ndërsa qeni është afruar tek këmbët. Por për fat të mirë nuk e ka kafshuar. Sakaq në korsinë e vrapimit, makinat e parkuar pranë një lokali janë bërë pengesë për fituesin e 10 kilometrave Ilir Këllezi, të cilin në një moment e kanë rrëzuar.

E megjithatë pa qeder, ndërsa gara e krosit kombëtar ka pasur dhe shoqërinë e forcave të rendit. Por pikërisht njerëzit në shëtitjen e tyre të lirë, vrapuesit amator, biçikletat, makinat e qentë e kanë bërë të vështirë Krosin Kombëtar. Një gjë të tillë e kanë vënë në pah edhe sportistët nëpër rrjete sociale, ku nuk ka munguar edhe indinjata për organizimin.

Krosi Kombëtar i Atletikës 2017

Rezultatet teknike:

4 kilometra – Të Reja:

1)         Ejona Cufe (Tirana)             15’45”43

Si ekip: Tirana 8 pikë

6 kilometra – Të Rinj:

1)         Marko Sefgjini (Tirana)       21’36”25

Si ekip: Tirana 8 pikë

8 kilometra – Të Rritura:

1)         Deborah Keçi (Tirana)        36’23”00

Si ekip: Tirana 13 pikë

10 kilometra – Të Rritur:

1)         Ilir Këllezi (Skënderbeu)     32’14”40

Si ekip: Tirana 10 pikë