ASNN – Brazilianët kanë mbushur përfaqësueseset e vendeve të Evropës në futbollin e sallës, por është e rrallë të shohësh një brazilian që luan në portë e për më tepër, që luan për Shqipërinë. Këtë e pohon edhe vetë Kristiano da Silva. Nuk është normale, sepse kur përmend Brazilin, të gjithë mendojnë që po, ai është lojtar teknik, shënon gola, por unë kam zgjedhur të luaj portier dhe më duket interesante”, – pohon ai, duke folur për AlbanianSport,net.
Po cili ka qenë rrugëtimi i tij drejt fanellës kuqezi? “Erdha në Kosovë në 2016-ën, kur luaja me Feniksin në Ligën e Kampioneve, – rrëfen Da Silva. – Aty trajneri (Erind) Resuli pa lojën time, i pëlqeu e më ftoi dhe unë e pranova me kënaqësi dhe jam shumë krenar të jem pjesë e Kombëtares së Shqipërisë. Për 31-vjeçarin, përfaqësimi në ngjyrat kuqezi ka ardhur natyrshëm, teksa nxiton të thotë: “Jo, jo, për mua është normale, sepse këtu ndjehem si në shtëpi dhe gjithçka është normale dhe e qetë.”
Shqipëria e humbi ndeshjen e parë 14- në Kroaci, në një takim ku Da Silva bëri 32 pritje, dhe ai e pranon se dy ndeshjet e para llogariteshin të vështira. “Ndaj Kroacisë ishte një ndeshje e vështirë, ashtu siç do të jetë ndaj Ukrainës, por ne mund të bëjmë një punë të mirë këtu, – thotë braziliani. – Unë u besoj shokëve të skuadrës dhe kam besim.” Portieri kuqezi e vlerëson lart Kombëtaren shqiptare. “Ne jemi një skuadër e re në këtë nivel, por kemi një grup të mirë lojtarësh”, – thotë ai.
“Por punojmë fort dhe mendoj që do të bëjmë gjëra të mira këtu”, – shton Da Silva. Po si ka ecur braziliani kuqezi me gjuhën shqipe? “Haha… kam mësuar gjërat më kryesore, ato më të mirat… qysh je, ça bone, a je mirë”, – thotë ai duke folur shqip me theks nga Kosova.
