ASNN – SIGAL Prishtina, rivali i Vllaznisë në Ligën Ballkanike të Basketbollit për Meshkuj, ka marrrë fitoren e tretë në grupin B, teksa ka mundur në Pallatin e Sportit e të Rinisë në Prishtinë, rumunët e Krajojës, 92-76. Prishtina i është hakmarrë rumunëve për humbjen në edicionin e kaluar. Vendësit e kanë nisur keq ndeshjen, ndërsa në pjesën e parë kanë humbur 22-25.

Në 10-minutëshin e dytë, “Plisat” u rikthyen fuqishëm dhe SIGAL-i ka fituar 26-18, ndërsa në pushim kanë shkuar në dhomat e zhveshjes me epërsinë 48-42. Në gjysmën e dytë sërish më mirë e nisi lojën Krajova, që pjesën e tretë e përmbylli me një pikë më shumë, 21-20. Por në periudhën e fundit të takimit, Prishtina “shkeli” rumunët, duke i mposhtur me rezultat 24-13 dhe duke e fituar të gjithë ndeshjen 92-76.

Lojtari më i dalluar i Prishtinës në javën e tretë të Ligës Ballkanike ishte Dardan Berisha që shënoi 27 pikë. Pejani u ndihmua nga Aron Mekgi me 22 pikë. Te mysafirët më i miri ishte Milivoje Bozoviç me 22 pikë. Kjo fitore e mban Prishtinën në vendin e parë të grupit B me gjashtë pikë në 3 ndeshje të luajtura, ndërsa takimi tjetër i grupit, Vllaznia-Mornar i Tivarit, u fitua në tavolinë nga malazezët, 20-0.

Liga Ballkanike e Basketbollit – Meshkuj

Grupit B

Java e 3-të:

(28 tetor 2014)

Vllaznia – Mornar Tivar       0-20 (në tavolinë)

SIGAL Prishtina – Krajova    92-76

Kozuv                                     pushim

Renditja

Nr.       Skuadra                     N.        F.         H.        Psh-Pp           Pikë

1. SIGAL Prishtina 3          3          0          264-215         6
2. Kozuv 2          2          0          172-150         4
3. Mornar 3          1          2          166-172         4
4. Krajova 2          0          2          160-179         2
5. Vllaznia 2          0          2          59-105            2