ASNN – Një marrëveshje e madhe është bërë tek SIGAL Prishtina. Fituesja e Ligës Ballkanike për edicionin e kaluar, ka arritur marrëveshje me basketbollistin e mirënjohur Khalid El-Amin. Lajmi është zyrtarizuar nga faqja zyrtare e klubit.
Ky basketbollist ka përvojë edhe në ligën më të fortë në botë, NBA duke luajtur me skuadrën e Çikago Bulls. Në Evropë është aktivizuar me Cibonën, Beshiktashin, Trabzonsporin derisa së fundmi është paraqitur me skuadrën gjermane BG Gotingen.
Me këtë të fundit luajti me një mesatare prej 14 pikëve e 5 pasimeve për kosh për çdo ndeshje. Prania e El-Aminit tek SIGAL Prishtina është pritur me gëzim tek ndjekësit e basketbollit, ndërsa priten ditët në vijim për të parë vijueshmërinë e këtij transferimi.
