ASNN – Basketbolli është sporti më i fundit i Kosovës që pranohet ndërkombëtarisht, pasi Federata e Basketbollit të Kosovës është pranuar në Federatën Ndërkombëtare të Basketbollit (FIBA). Këtë vendim FIBA e ka marrë gjatë mbledhjes që mbajti të shtunën, ku Kosova është bërë anëtari i 215-të i këtij organizmi dhe e 52-ta në FIBA Evropë.

Federata e Basketbollit të Kosovës (FBK) është pranuar në Federatën Ndërkombëtare të Basketbollit (FIBA). Këtë vendim FIBA e ka marrë gjatë mbledhjes që mbajti të shtunën, ku Kosova është bërë anëtari i 215-të i këtij organizmi dhe e 52-ta në FIBA Evropë.

Lajmi është konfirmuar edhe nga kryetari i FBK-së, Erolld Belegu, i cili ka uruar të gjithë përmes një postimi në “Facebook”. “13 mars 2015, Kosova bëhet anëtare e 215-të e FIBA-s dhe anëtare e 52-të e FIBA Evropë. E premte me fat. Urime Kosovë”, – shkruan Belegu në postimin e tij.

Ky është një lajm mjaft i mirë për basketbollistët kosovarë, dyert e të cilëve do të jenë të hapur në Evropë që nga fillimi i edicionit të ardhshëm. Federata e Basketbollit të Kosovës e ka kërkuar prej anëtarësimin në këtë organizëm, por ishte refuzuar, ndërsa pas ndërkombëtarizimit të Komitetit Olimpik të Kosovës janë hapur rrugët për anëtarësimin në FIBA.

Sikundër pritej, Pranimi i Kosovës në Federatën Ndërkombëtare të Basketbollit (FIBA) ka irrituar tej mase mediat serbe. Ato e kanë quajtur deri në “skandal” këtë vendim të organizmit që qeveris basketbollin botëror, duke i kërkuar madje FIBA-s të shmangë përballjet midis Kosovës dhe Serbisë në çdo lloj veprimtarie.