ASNN – Prishtina e Gjilani janë takuar sërish të shtunën dhe sërish për Kupën e Kosovës, teksa përballja midis tyre shënon nisjen e garës për gjysmën e dytë të sezonit. Takimi është zhvilluar në terrenin me bar sintetik në Gjilan, duke nisur nga ora 13:00 dhe i takonte turit të 16-shes së Kupës së Kosovës.
Prishtina u kualifikua në çerekfinale të Kupës, pas ekzekutimit të 11-metërshve, duke fituar me shifrat 4-1, teksa gjithçka në kohë të rregullt dhe në shtesë u mbyll me rrjeta të paprekura. Malisheva, Suhareka dhe Vjosa kanë siguruar çerekfinalen e Kupës së Kosovës në futboll.
Malisheva fitoi 3-1 ndaj Feronikelit 74, në ndeshjen që u zhvillua në stadiumin “Rexhep Rexhepi” në Drenas. Dreni Kryeziu, Drilon Hazrollaj dhe Etnik Brruti shënuan golat e fitores për Malishevën. Suhareka ndërkohë fitoi 3-1 ndaj Prishtinës së Re. Për Suharekën realizuan Mevlan Zeka, Yll Hoxha dhe Adam Dougui.
Vjosa fitoi thellë, 4-1, ndaj “2 Korrikut”. Drin Ymeri, Ardian Selimi, Enis Stublla dhe Fidan Gashi ishin autorët e golave në fitoren e Vjosës.
Të dielën në program janë edhe 4 ndeshje tjera të Kupës së Kosovës. Të dielën ndeshja më e fortë vlerësohet ajo mes Trepçës ’89 dhe Llapit. Dukagjini ballafaqohet me Dinamon, Drita me Rilindjen 1974, kurse fituesja në fuqi e këtij trofe, Ballkani, takohet me Vëllaznimin.
Kupa e Shqipërisë
Turi i 16-shes
Të shtunën, 3 shkurt 2024:
Suhareka – Prishtina e Re 3-1
Feronikeli 74 – Malisheva 1-3
Vjosa – 2 Korriku 4-1
Gjilani – Prishtina 0-0 (1-4)
Të dielën, 4 shkurt 2024:
Trepça ’89 – Llapi (13:00)
Dukagjini – Dinamo (13:00)
Drita – Rilindja 1974 (13:00)
Ballkani – Vëllaznimi (13:00)
