ASNN – Desmond Farmer ka nisur përgatitjet me SIGAL Prishtinën. Qendra amerikane i është bashkuar skuadrës në përgatitje të mërkurën. Ai është gjendur mirë në ambientin e ri, ndërsa është befasuar me të ftohtin në sallë. Farmer është mirëpritur nga të gjithë lojtarët.
Në ditët në vijim pritet të vijnë edhe përforcime tjera te kampionët në fuqi të basketbollit në Kosovë. Ajo që duhet thënë është fakti se SIGAL Prishtina është duke u përgatitur për pjesën në vazhdim të Ligës Ballkanike në basketboll për meshkuj, e cila nis më 13-14 janar.
Të mërkurën, prishtinasit e SIGAL-it, në ora 20:00, do të jenë përballë rumunëve të Krajovës në fushë të huaj. Kurse skuadra tjetër kosovare, Peja, do të jetë po në fushë të huaj përballë Teodos.
